مراحب لاحلى حسناوات
قبل ثلاث اسابيع زرت وحده من قريباتي لي اربع شهور ماشفته المهم هي عندها
بنت بثاني ثانوي بنتها شعرها مسكينه جاف وديم رافعته ماتعرف تتصرف فيه
المهم دخلت البنت تسلم علينا وش اشوف صدق الشعر تاج المراءه احلوت وشعرها
ناعم ولمعه وكانه كثر شوي مع العلم شغرهاخفيف عاد انا قلت بخاطري اكيد
رايحه لمشغل ومستشورته بس مايمنع اني اسئلها مع العلم انه قريبتي لوتفحطين
وتحبحبين ايديها ماتعطيس شي بخليس ازين منها اونصيحه تفيدك بحياتك قلت خلني
اشبك مع البنت واسئلها المهم بعد حوار طويل ومدح خليتها بالسماء جبت العيد
الحمد لله تقول جيبي حلبه واطحنيها وحطيها بقاروره زجاج وصبي عليه زيت
عافيه المقادير اتي تحددينها انا جبت قاروره جبنه كرافت الحجم العائلي
وحطيت ربعها اواقل شوي حلبه مطحونه وبعدين صبيت الزيت لين انتلت القاروره
وترجينه لمدة 15 يوم كل يوم ترجينه زين وبعد 15يوم تحطينها بشعرك وتلبسين
قبعه بلاستك وتخلينه اربع ساعات وتتروشين بعدها عادي وتحطينه اول اسبوع يوم
ورا يوم وثاني اسبوع ثلاث مرات بالاسبوع وثالث اسبوع مره في الاسبوع وعده
شوفي النتيجه
عاد انا شلت هم ريحت الحلبه والله والله يابنات انا الي عندي حاسة الشم
عنده 100% مشاء الله لااله الا الله والله يوم حطيته تفاجئة انه مافيه ريحه
ابد حتى حطيت لبناتي ورحت لحمولتي عاد الحموله يستنون عليك الزله والله
محد درى عني عاد انا لي اسبوع مجربتها حاسه شعري وشعر بناتي بد ينعم شوي
وانشاء الله بداوم عليها اصل للنتيجه الي كنت احلم فيها والله جربو يابنات
وقولولي وش النتيجه الليي حصلتو عيها والاحلى انه ريحته مو باينه انتي بعد
التروش بخري شعرك وحطي دهن عود .........................وبس